CEBU – Dugang pa nga P400 Million nga ayuda gikan sa Supplemental Budget No. 1 ang pangayoon karon ni Cebu City Mayor Michael Rama.
Tataw ni Rama nga buot niini nga daghan pang mga sugboanun ang makadawat sa singko-mil pesos nga ayuda ilabi na katung mga panimalay nga naguba tungod bagyong Odette.
KiningP400 Million kay kabahin sa usa ka bilyon besos nga supplemental budget nga pangayoon sa Mayor ngadto sa City Council.
Gihimug-atan ni Rama nga sa unang hugna sa pag-apod-apod sa ayuda ang na-prayoridad kay ang mga marginalized communities diin tinguha niini nga sunod mahatagan kay ang tanang biktima sa bagyo nga dili molantaw sa income bracket.
Sapagkakaron kay padayun pa ang pagpagawas sa ayuda sa mga biktima bisan pa og partially o totally damaged ang ilahang panimalay.
Apan, gi-angkon ni Rama nga kinahanglan lantawon balik ang listahan tungod kay nakadawat kini og reklamo nga pinili ang gipanghatag ug ang uban kay kaduha na nga nakadawat.
