Nisugyot ug nipadangat og suwat si Si Senate Minority Leader Tito Sotto ngadto kang Senate President Francis “Chiz” Escudero aron ipasiugda ang pagpadayon sa random drug testing sa Senado.
Nitumaw ang maong sugyot human sa insidente sa usa sa mga kawani ni Senador Robin Padilla nga si Nadia Montenegro nga giingong nihithit og marijuana sulod sa kasilyas.
Ang suwat nagkanayon nga niadtong 2018, ang Senado nagpahigayon na og mandatory drug testing subay sa Republic Act 9165 o ang Dangerous Drug Act of 2002 ug Civil Service Commission Resolution no. 1700653 nga nagmando sa pagpatuman sa mandatory drug test sa mga opisyal ug empleyado niini.
Sa unod sa suwat ni Sotto, ang pagsumiter sa mga opisyal ug empleyado sa drug test maoy magpamatuod ug magpabilin ang moral, integridad ug kaabtik sa Senado sa pagtubag sa mga isyu.
Sa laing bahin, nanghinaot ang senador nga gawas sa pagmintinar sa integridad sa Senado, makatabang usab ang drug test aron mapabilin nga drug-free workplace ang ilang mga buhatan.
