Rayver ug Julie Ann, gihisgutan na ang pagpakasal

Gipaambit nila ni Julie Ann San Jose ug Rayver Cruz nga gihisgutan na nila ang bahin sa kasal.

Matud pa ni Julie, bisan og daghan pa sila og mga pangandoy alang sa ilang kinabuhi apan, gusto niya kining makab-ot kauban sa Rayver.

Ingon man nga giangkon na usab ni Rayver nga si Julie ang iyang nakita nga umaabot nga asawa.

Apan, giklaro ni Julie nga wala sila’y gipugos karon tungod kay wala usab sila nagdali.

Kahinumduman niadtong 2022 dihang giangkon sa duha ang ilang relasyon ug dayag kining gipakita sa ilang mga social media kon unsa sila kalabing sa usa’g usa.