CEBU CITY– Andam matud pa nga tubagon ni Cebu City Police Office (CCPO) Director Police Colonel Royina Garma kung ugaling kwestyunon kini sa mga alegasyon kaniya ni Cebu City Mayor Tomas Osmeña.
Kini ang gibutyag sa Director human nga gipatawag kini sa Kampo Crame kauban si PRO-7 Regional Director Police Brigadier General Debold Sinas.
Gi-akusaran ni Mayor Osmeña si Garma nga ‘queen of swertres’ ug tigdawatan og 1 milyon pesos payola matag semana gikan sa illegal gambling.
Matud ni Garma nga ‘history’ na kini nga issue. Gani niadtong sa Davao palang kini na-assign, mao kini ang gibato kaniya ug napamatud-an na usab kini niya nga dili tinood.
Wala usab matud pa kasayuran si Garma sa mga mikatao nga hulagwayni Osmeña nga naa sulod sa Casino ug nagsugal.
Nasayran nga una na usab nga gipasanginlan ni Mayor Osmeña si Garma ug si Sinas nga naa sa likod sa serye sa straffing incident nga nahitabo sa iyang kapartido sa pulitika. (FDP/SBR)
