Red Cross gikabahala ang padayun nga pagdaghan sa mga nagkasakit sa Yemen

Nagpasidaan ang International Committee of the Red Cross (ICRC) nga ang health system sa Yemen nakaabot na sa kinutuban sa kapasidad niini.

Kini tungod sa nagkadaghan nga mga tawo nga naangol nga gidala sa mga ospital gumikan sa nagpadayon nga panagbangi.

Matod ni Feras Abusamra, usa ka health coordinator, nga nagkulang ang mga suplay alang sa operasyon, anesthesia, oxygen, ug mga tambal.

Nabalaka sila nga ang padayon nga mga pag-atake sa mga rebeldeng Houthi siguradong mosangpot sa dugang nga gidaghanon sa mga biktima.

Nagpadala usab ang organisasyon og 500 ka tonelada nga mga medical supply isip tubag sa pag-ulbo sa kapintasan.