CENTRAL VISAYAS-Nalakip ang Rehiyon 7 sa gilusad nga ‘Local Adaptation to Water Access and Breaking Insufficiency through Nutritious Harvest for the Impoverished’ o mas naila nga Project LAWA sa BINHI sa Department of Social Welfare and Development sa tibuok nasud karong tuiga taliwala sa nagkakusog nga epekto sa El Niño phenomenon.
Mao kini ang gipaambit ni Shalaine Marie S. Lucero, ang Regional Director sa DSWD 7 atol sa pakighinabi sa Bombo Radyo Cebu Newsteam.
Matud niini nga anaa pa sa ‘social preparation stage’ ang buhatan apan, pipila ka mga probinsya sa Cebu sama sa Siquijor, Bohol, ingon man sa dakbayan sa Mandaue ang mga dapit nga gipahimutang ang maong proyekto.
Dugang niini, nga ang naasoy nga LAWA sa BINHI kinahanglan usab nga i-koordinate sa Local Government Unit gumikan nasayud sila kung kinsa ang angayan nga hatagan nga pamilya.
Gitumbok usab sa opisyal nga ang tumong sa pagpili sa mga benepisyaryo dili lang igo sa paghatag sa mga proyekto apan, tudloan kini og kahibalo sa pagtanom ug pagpalambo arun mas masabtan nila ang angayang buhaton ilabi na ning panahon sa huwaw.
