Gikabutyag ni Representative Chel Diokno nga ang unang adlaw sa Confirmation of Charges Hearing kang Kanhi Presidente Rodrigo Duterte, kay parte lang sa pamalakad sa International Criminal Court (ICC).
Gidugang ni Rep. Diokno nga ang buot sa ICC mao ang hingpit nga pagtanyag og due process ang duha ka habig, hinungdan nga ang mga biktima ug defense sa kanhi presidente, adunay panahon nga gitagana aron sa pag esplikar sa ilahang matag punto.
Mao kini ang nahimong pamahayag ni Rep. Diokno atol na eksklusibong pakighinabi sa Bombo Radyo Cebu Newsteam kaniya, gani iya pang gitataw nga sa maong due process nga gitanyag, gitagaan og hustong oras ang isig ka parte aron na sa paglantad sa matag argumento ug ebidensya.\Wala usab gisalikway Rep. Diokno nga wala siya milantaw sa kinatibuk-ang hearing, apan ang iyang masulti kabahin ato mao ang lig-on nga pagpangandam sa Prosecutor, Defense Council, ingun man matuohon usab siya nga ang ebidensya nga gikuptan sa prosecutor makonsiderang “solid” ug adunay substansya.
Samtang gitino usab ni Rep. Diokno nga bisan paman nga gabaha ug lapad ang dismayado sa “no show” ni FPRRD atol sa hearing, matod niya, katungod kini ni Duterte ug ang importante anaa ang presensya sa iyahang abogado nga si Atty. Nicolas Kaufaman, kinsa mao ang ni-asoy sa tanan nila nga habig ug baruganan.
Subay niini, nipadangat usab sa iyang habig si Rep. Dioko kabahin sa pamahayag ni Atty. Kaufman nga “politically motivated” ang mga charges nga gisagubang sa kanhi presidente, diin matod niya, aduna usab siyay ubay-ubay nga nahinabi nga mga biktima Extra Judicial Killings (EJK), ug mismo silang mga miyembro sa free legal assistance group adunay daghan nga nadokumentong kaso sa mga biktima nga makonsiderang nagpadayon gihapon sa pagpangyawat og hustisya hangtud sa kasamtangan.
Busa, dili makonsiderang politikal ang kinabuhi sa usa ka tao, ilabi na nga liboan ka kinabuhi ang nakalas atol sa war on drugs sa kanhi administrasyon bisan paman ibutyag sa mga kapulisan nga giingong nisukol ang mga biktima.
