Kasamtangang gipahigayon karon ang mga rescue operation alang sa kapin sa 200 ka mga hiker nga natanggong sa mga bakilid nga bahin sa pinakataas nga bukid sa kalibutan, nga ang Mount Everest, human sa usa ka dako nga avalanche.
Gikataho nga gibakwit sa mga rescuers ang mga 350 ka mga hiker sa mas luwas nga dapit.
Daghang mga tolda ang nalubong ilawom sa snow samtang ang mga rescuers mibakwit sa mga grupo sa mga turista gikan sa pagdahili.
Sa sayo pa, daghang mga turista ang nangahas sa pagbaktas agi sa Tibetan valley paingon sa sidlakang bahin sa Mt. Everest karong hinapos sa semana, dungan sa pagsugod sa walo ka adlaw nga national holiday sa China.
Ang maong dapit kay sikat nga hiking spot sa mga turista, ilabi na panahon sa gitawag nga “Golden Week” holiday.
Ang insidente nahitabo taliwala sa pipila ka adlaw nga dili maayo nga panahon sa rehiyon diin sa silingang nasud nga Nepal, labing menos 47 ka mga tawo ang namatay sukad kaniadtong Biyernes, Oktubre 3 human sa kusog nga ulan hinungdan sa pagdahili sa yuta ug pagbaha.
