CENTRAL VISAYSA-Muabag ang buhatan sa Regional Highway Patrol Unit sa Central Visayas (RHPU 7) sa pagpanakop sa mga motorista nga nakalapas sa “improvised & temporary” plate memorandum nga giluwat sa sa Land Transportation Office (LTO) sugod Septiyembre 1, 2024.
Nag-awhag ang maong memorandum circular sa pagrequire sa tanang sakyanan nga adunay improvised plates nga nagpaabot sa mga ilisan nga makakuha og authorization gikan sa LTO aron makapadayon sa paggamit sa temporaryong mga plaka.
Mukabat ang multa sa dili muminos P5,000 ug mulangkob sa kadtong mga sakyanan nga gipalit human sa Enero 2023 nga sakop sa maong memorandum.
Sa pamahayag sa pangulo sa RHPU-7 nga si Police Lieutenant Colonel Wilbert Parilla diin mitataw kini nga aron masiguro ang uniform nga pagpatuman sa kamanduan, ang LTO 7 mopahigayon og seminar karong Septiyembre 6 aron ma-update sila bahin sa guidelines sa memo sa dili pa kini ipatuman.
Matod ni Parilla nga ila una nga ipagawas ang mga pahimangno sa mga drayber nga mogamit og temporaryong plaka, apan kon hingpit nang mapatuman ang maong kamanduan, ila nang i-isyu og Temporary Operators Permits (TOP) ang mga makalapas niini ug sakmiton ang ilang driver’s license.
