MANDAUE CITY-Gipaubos na og underconstruction o repair ang riprap (flood control project) nga nahugno sa Barangay Maguikay, dakbayan sa Mandaue niadtong Oktubre 29, 2024.
Matod pa ni Mandaue City Councilor Jesus “Jun” Arcilla, ang Chairman sa Committee on Public Works and Infrastructure sa kagamhanang dakbayan sa Mandaue diin gitataw niini nga aduna nay gibutang na nga mga kabilya sa giayo nga riprapping project sa Barangay Maguikay nga wala nila makita sa dihang nahugno.
Subay niini nga gipakanselar sab ni Councilor Arcilla ang mag-atubang sa mga representante sa Department on Public Works and Highways (DPWH), kontraktor sa proyekto ug sa opisina ni Mandaue City Lone District Representative Emmarie “Lolypop” Ouano-Dizon ang pag-atubang niini sa Konseho aron unta mohatag og katin-awan sa pagkahugno sa riprap project.
Gibutyag usab sa opisyal nga idayon usab ang joint inspection tali sa City Engineering Office ug DPWH arun pagtan-aw sa giayo nga riprap project sa Maguikay kun pasado na ang pagtrabaho niini.
Ang riprap project sa Maguikay tipik sa P127 milyones nga flood control projects sa DPWH nga gigahinan og pundo ni Kongresista Ouano-Dizon diin gikatakda nga humanon sa unang semana sunod buwan.
