Mitambong si Leyte 1st District Representative Martin Romualdez sa plenaryo sa House of Representatives bisan pa sa nagpadayon nga mga isyu nga may kalabotan sa anomalosong flood control project.
Diin si Romualdez aktibo nga miapil sa sesyon sa House ug gisugat siya sa daghang mga kaubang magbabalaod sulod sa plenaryo hall.
Bisan pa sa mga isyu nga giatubang, usa sa mga nag-unang balaod nga iyang giduso mao ang House Bill 8466 o ang National Land Use Act, nga naaprobahan na sa ikatulo ug katapusang pagbasa sa Ubos Balay Balauranan sa Kongreso.
Ang balaodnon nagtumong sa pagtukod og usa ka komprehensibo nga plano sa paggamit sa yuta sa nasud aron mapalig-on ang seguridad sa pagkaon, mapaayo ang pagpangandam sa katalagman, ug matubag ang mga problema sa pabalay ug imprastraktura.
Sumala ni Romualdez, ang balaodnon usa ka reporma aron mahiusa ang managlahing ug nagkasumpaki nga mga palisiya sa paggamit sa yuta sa lainlaing mga sektor.
