Nipasaka na og reklamo ang Presidential Anti-Organized Crime Commission ug PNP-CIDG batok sa mga personalidad nga nalambigit sa ilegal nga operasyon sa Philippine Offshore Gaming Operators sa nasod.
Lakip sa gipasakaan og qualified human trafficking complaint mao ang kanhi presidential spokes. nga si Atty. Harry Roque, Lucky South 99 representative Cassandra Ong ug ubang respondents.
Kung kahinumdoman, nalambigit si Roque sa ilegal nga operasyon sa POGO partikular sa Lucky South 99 butang nga gihimakak sa kanhi opisyal.
Gipangita na karon sa mga otoridad si Roque human gi-contempt sa House Quad Committee.
Hilabi na nga napakyas kini sa pagsumitir sa gikinahanglang dokumento sa committee hearing aron pagpasabot sa giingong kalit nga pagkaadunahan niini.
Ingon man nga gihimakak ni Roque nga pugante siya tungod kay wala siya’y pending nga kaso sa korte.
Gani, hugot niini nga gituohan nga gipamulitika lang siya sa pamilyang Duterte.
