PROVINCE OF CEBU-Generally peaceful ang pagpahigayun sa Rosquillos Festival sa Lungsod sa Liloan, kini bisan paman nga tulo ka tuig nga wala nagpahigayun ang maong Lungsod sa naasoyng kalihokan gumikan sa Covid-19 Pandemic.
Kini ang gibutyag ni Police Major Eric Ginguyon, ang hepe sa Liloan Police Station, ug gidugang niini, nga gikan sa pagsugod ug pagkahuman sa kalihukan, wala silay natala nga insidente o kakulian, bisan paman sa kadalanan.
Dugang pa, nga wala usab kasamok nga nahitabo sulod sa Liloan Central School kung asa gipahigayon ang Search for the Festival Queen ug Grand Ritual Showdown hasta usab ang mga kadalanan alang sa street dancing competion.
Dugang pa sa opisyal, nga gidungagan ang gipakatap nga mga security, gumikan na usab sa pagtambong ni Presidente Ferdinand Bongbong Marcos Jr., Vice President Sara Duterte ingun man ni House Speaker Romualdez ug mga Cabinet Secretary.
Nagpasalamat kini sa tanang nisalmot sa Rosquillos Festival ug sa tanang buhatan nga nahimong hinungdan nga malampuson ug hapsay ang maong kalihokan.
