BOHO PROVINCE – Dako ang posibilidad nga nagtago lamang sa pito ka mga langob ang nahabiling mga sakop sa Abu Sayyaf sa Bohol.Matud ni MayorAllen Pieza sa Clarin Bohol nga adunay pito ka mga langob nga makit-an sa ilang lungsod.
Mahinumduamn nga sa ikaduhang engkwentro sa mga otoridad sa nahisgutang lungsod nga gikamatay ni Josellito Melloria ug lain pang tulo niini nga kauban gijngong nagtago kini sa usa sa mhga langob.
Gikonsedira sa mayor nga posibleng aduna pay laing local contact ang nahisgutang grupo sa Bohol subay na usab sa suway nga pagm rescue kanila sa kauban niining sakop sa Abu Sayyaf nga si Renren Dungon kauban ang usa ka police official nga si Police Supt. Maria Christina Nobleza nga giingong uyab ni Dungon nga nakacustodiya na karon sa Campo Crame.
Giangkon ni ni Pieza nga nagpabilin gihapon ang kahadlok sa mga tawo sa ilang lungsod bisan ug giawahg na niya kini nga mobalik sa ilang tagsa tagsa ka mga panimalay.Dugang pa niini nga migamay nalang ang anaa sa evacuation centers gumikan kay namalik na ang uban sa ilang mga panimalay apan giingong pabiling abli evacuation centers kanila.
Sa nagpadayon nga pagpangita sa mga naka-ikyas nga sakop sa Abu Sayyaf mas gipahugtan ang seguridad sa otoridad. Gitahasan na msimo ang mga barangay officials nga dad-on sa presinto ang masugatan nga mga tao nga bag-o sa ilang dapit kadudahan ang lihok.
