Nisulod sa ikaupat nga round sa WTA 1000 Canadian Open ang tulo ka mga sikat nga tennis star nga sila si top seed Aryna Sabalenka, third seed Jessica Pegula, ug seventh seed Iga Swiatek human sa ilang sunod-sunod nga kadaogan.
Gipildi ni Sabalenka si Zhang Shuai sa duha ka sets, 6-3, 6-4, aron masiguro ang iyang puwesto sa Round of 16. Ang duwa tali sa duha milungtad lang og 76 minutos ug ang 28-anyos nga kasamtangang kampeon sa US Open dali nga midominar sa duwa.
Sa laing bahin, gipilde sa 3rd seed nga si Pegula ang tennis star sa Uzbekistan nga si Kamilla Rakhimova sa score nga 6-4, 6-0. Wala usiki ni Pegula ang duwa ug gihuman kini sulod sa 68 minutos aron makaabante sa quarter-finals, diin iyang atubangon ang Russian nga ika-15 nga seed nga si Diana Shnaider.
Samtang, ang Swiatek nakasulod usab sa quarter-finals human sa iyang impresibong 6-2, 6-1 nga kadaugan batok sa Swiss player nga si Viktorija Golubic sulod sa 66 minutos.
Ang tulo ka mga atleta pulos nahimutang sa taas nga bahin sa Women’s Tennis Association rankings tungod sa ilang impresibong kampanya sa mga miaging internasyonal nga tournament.
