Magsangka sa Indian Wells Open finals sila si World No. 1 Aryna Sabalenka ug World No. 3 Elena Rybakina.
Kini human gipildi ni Sabalenka ang 14th seed nga si Linda Noskova sa iskor nga 6-3, 6-4 aron makaabante sa katapusang hugna sa torneyo. Samtang, gipildi ni Rybakina si Elina Svitolina sa semifinals, sa iskor nga 7-5, 6-4.
Unang nagkita ang duha ka magkaribal sa miaging bulan sa Australian Open finals, diin gipildi ni Rybakina ang top player sa Women’s Tennis Association.
Ang kapildihan ni Sabalenka sa torneyo mao lang ang iyang kapildihan sa 2026.
Hinungdan aduna siyay higayon nga makabalos sa maong kapildihan ug mapaayo ang iyang rekord sa Indian Wells finals, diin nagpabilin siyang wala pa mapildi (0-2).
Sa ilang head-to-head record, si Sabalenka nakadaog og walo sa ilang 15 ka mga duwa. Adunay higayon si Rybakina nga matabla ang 8 kung modaog siya sa titulo sa Indian Wells sa 2026.
