CEBU CITY-Gihimakak ni San Fernando, Cebu Mayoralty Candidate Ruben Feliciano ang pasangil nga gilabay sa kampo ni San Fernando Mayor Lakambini ‘Neneth’ Reluya batok kaniya.
Matud ni Feliciano nga dili kini bayolente nga tawu ug dili mugamit ug bayolente nga pamaagi arun lang nga makab-ut ang usa ka posisyon.
Gipasanginlan usab niini ang kampo ni Reluya nga nagpahigayun ug vote buying ug bugtong black propaganda lang ang gihimu sa administrasyon batuk kaniya.
Gani, gibutyag ni Feliciano, nga ang ambulansya nga gi-ambush ang giingung gigamit ni Reluya arun nga muhakut og kwarta alang sa vote buying.
Sigon pa niini nga usa ka drug protector si Reluya ug migamit kini ug drug money alang sa umaabut nga eleksyon.
Giingung gigamit sa mayor ang government resources alang sa ‘personal interest’ niini.
Dugang pa niini nga ang halos tanang mga lider ni Reluya ang pulus adik.
Subay sa mga kagubut nga nahitabu sa San Fernando, gihagit ni Feliciano si Reluya nga mag-atubang sila sa Debate sa Bombo o sa bisan asa nga public debate.
Sa laing bahin, giawhag usab niini si Reluya nga mag-power sharing na lang sila ug hunungun ang panagbangi alang sa kaayuhan sa ilahang lungsud.
