Nipalag na si Presidential son ug Ilocos Norte 1st District Rep. Sandro Marcos sa mga pasingit ni Bise Presidente Sara Duterte.
Sa iyang pamahayag, si Sandro miingon nga dugay siyang wala motingog isip pagtahod sa bise presidente ug sa buhatan nga iyang gi-representahan.
Apan, isip usa ka anak, wala na kini naka-agwanta hilabi na sa higayon nga gihulga ni Sara nga kubkubon ang lubnganan sa
namatay nga kanhi presidente ug pugutan sa ulo ang naglingkod nga presidente.
Ingon man nga dili lang kini ang mikondenar sa mga pasingit sa bise presidente tungod kay wala na usab naka-uyon ang mga gisakopan ni Sandro.
Gipaambit usab niini nga gitambagan kini sa iyang amahan nga dili na patulan ang mga gilabay sa ikaduhang presidente apan nangusog siya nga adunay limitasyon ang pagpakahilom.
