Gipakusgan pa sa ahensya sa Securities and Exchange Commission (SEC) ang ilang kampanya batok investment scams sa Negros Island Region (NIR) isip pag-abag sa mga tigpamuhunan ug sa publiko nga mahimong biktima sa maong fraudelent schemes.
Sumala pa ni Atty. Leo Salvador, Counsel II sa SEC-NIR nga usa sa mga timailhan kung ang usa ka negosasyon kay usa ka scam kay ang pasaad ang nga investment returns kay “too good to be true.”
Gipahimangnuan niini ang publiko nga magpabiling alerto sa maong transaksyon ug i-verify ang mga kompanyang may kalambigitan sa pagpamuhunan.
Gisaysay ni Salvador nga kung interesado ang usa ka investor nga mamuhunan kay dapat lantawon daan ang mga dokumento sama sa mga permit to sell securities, order of registration, prospectus, ug recruiter o salesman’s certificate.
Mitataw kini nga ang mga scammers karon kay mibalhin na sa ilang taktika gikan sa fake investments ngadto na sa fake loans.
Gani ang mga trending incident karon kay ang “advance fee” scam diin ang mga biktima kay hayluon aron sa pagbayad sa mga pekeng “processing fee” para sa mga online transaction payments.
Sa samang higayon, ang National Bureau of Investigation (NBI) kay nag-imbestigar sa dili muminos 40 ka mga kaso sa giingong investment scams nga kadaghanan anaa na ang reklamo gisang-at sa korte diin 40% kay mga estafa cases sa mga large-scale operations o synticated incidents.
