-- ADVERTISEMENT --
CEBU CITY-Nagtingkagol karon sa Labangon Police Station 10 ang lalaki nga security guard sa usa ka establishamento nga gitrabahoan niini sa Barangay Buhisan ning dakbayan sa Sugbo human nga gi-unay og lungkab ang maong edipisyo.
Base sa imbitigasyon nga nakabantay ang mga residenti sa maong lugar nga adunay kadudahan nga tawo hinungdan nga dali kini nga mitawag og tanod.
Gani, dali nga nasikop ang suspek ug gidala sa prisohan arun mapasakaan kini og tukmang kaso.
Sa pikas bahin, gi-awhag sa Labangon Police ang publiko nga susama sa maong panghitabo nga idangop o isumbong sa ilang sakop o pinakaduol nga istasyon kung gani adunay mamatikdan nga mga daotang elemento nga mikisaw arun mamintinar ang kahapsay ug kalinaw.
