Natuldokan nga malinawon ra ang selebrasyon sa Bag-ong Tuig sa Probinsya sa Bohol gahapong adlawa, Enero 1, 2026.
Subay sa gikabutyag sa Bohol Police Provincial Office, ubos sa pangu ni PCol.Patricio Degan nga wala silay natala nga krimen, o bisan paman indiscriminate firing sa Probinsya sa Bohol nunot sa selebrasyon sa Bag-ong Tuig.
Subay niini, nagpadayon usab ang ilahang pagsakmit sa mga illegal nga pabuto.
Gani, basi sa ilahang inisyal nga taho sa PNP Bohol, kapin sa 28,000 ka mga illegal nga pabuto ug mga pyrotechnics ang ilahang nasakmit, atol sa ilahang gipahigayon nga pagronda sama sa ka merkadohan o sa mga firecracker zones.
Dugang pa, kini nga mga kalihokan sa kapulisan nagpakita lang sa usa ka tinud-anay nga pagpanerbisyo sa PNP Bohol, aron na sa pagmintinar sa kalinaw.
Samtang, matod ni PMAJ Rey Olar, ang
Tigpamaba sa PNP Bohol, nga nagpadayon gihapon sa kasamtangan ang ilahang monitoring, aron magpabiling walay matala nga bisan unsang insidente.
