CEBU CITY – Gisuwat ni Franz Sabalones, ang self-confessed druglord sa Sugbo ang iyahang kinabuhi sa dihang misulod kini sa iligal nga drogas.
Ang maong libro ang adunay titulo nga ‘Say No To Drugs, Yes To Jesus Christ’ diin nag-unod sa rason sa iyahang pagsulod sa iligal nga drogas ug ang epekto niini sa iyahang kinabuhi.
Pagmahay ug pagbalik sa Ginoo ang mensahe niini.
Samtang gibutyag sa abogado ni Sabalones nga si Atty Louie Arma nga sa wala pa na freeze ang account sa iyahang kliyente giingong gi-monitor na kini sa mga pulis.
Giingong andam usab nga magpakita sa kampo crame si Sabalones kung gikinahanglan.
Sa pagkakarun, gitutukan sa kampo ni Sabalones ang pending case niini sa DoJ nga gisang-at sa CIDG may kalabot sa pagpamaligya og iligal nga drogas.
Kahinumdoman nga gi-aprobahan sa Court of Appeals ang pag-freeze sa bank accounts ug mga kabtangan ni Sabalones subay sa request sa PDEA 7 pinaagi sa Anti-Money Laundering Council.
