Gisalmotan sa liboan ka mga kristiyano katoliko ang bindeta lukay kagahapong adlawa, Marso 29.
Diin karon usab nga adlaw, Marso 30, gitawag kini nga Lunes Santo, ug gipasabot ni Dr. Rene Josef Bullecer, Vice President sa Council of Liality-Archdiocese of Cebu, ang importansya niini sa matag usa ka kristiyano katoliko.
Atol sa eksklusibong pakighinabi sa Bombo Radyo Cebu newsteam kang Bullecer, iyang gitino nga kaniadtong panahon—tuig 33, nga unang nahitabo ang Lunes Santo, diin nahitabo sa takna sa gabii mao ang pagpanihapon, pagbubo ni Maria og pahumot sa tiil sa Ginoo, ug ang gatosan ka indibidwal nga nagpunsisok aron sa pagsaksi sa nabuhi nga Lazaro.
Atol sa eksklusibong pakighinabi sa Bombo Radyo Cebu newsteam kang Bullecer, iyang gitino nga kaniadtong panahon—tuig 33, nga unang nahitabo ang Lunes Santo, diin nahitabo sa takna sa gabii mao ang pagpanihapon, pagbubo ni Maria og pahumot sa tiil sa Ginoo, ug ang gatosan ka indibidwal nga nagpunsisok aron sa pagsaksi sa nabuhi nga Lazaro.
Sa pikas bahin, kung ihambin kini sa kasamtangang panahon—unsa na ang mamahimong bili niining estorya gikan sa balaang suwat, diin dugang gipasabot ni Bullecer nga ang butang nga angayang pamalandongan sa matag usa mao nga “everything is passing in this life,” nga nagpasabot ang tanang butang niining kalibotan lumalabay ra.
Sunod niini mao nga walay problema nga walay kasulbaran, ug ingun man nga ang tanan, gikinahanglan nga modangop ug mosalig lang sa labawng makagagahom kay mao lang kini ang tahas nga makabaton og kasulbaran sa tanang gihambin nga problema.
Hinungdan kung nganung adunay gitawag nga Semana Santa kini gumikan kay angayan mamalandong ang tanan basi sa mga kasakit nga nahimamat sa Ginoo.
