Nanawagan si Senate Minority Leader Alan Peter Cayetano sa publiko nga i-ampo siya ug ang nasud taliwala sa mga pasangil nga gilabay batok kaniya, kini atol sa iyang Facebook live, gabii Agosto 1.
Gipaniguro sa senador nga walay “ghost projects” sa Taguig, hinuon iyang giangkon nga adunay mga teknikal nga butang nga kinahanglang ipasabot pag-ayo matag detalye kon moabot na ang hustong panahon batok sa mga espesipikong alegasyon.
“Let me assure you nga maayo kini didto sa Taguig. As I keep saying, to the best of my knowledge, walang ghost project dito. May mga teknikal ug may mga kailangan ipalawanag, pero syempre ang detalye dadating din tayo dyan,” sumala sa Senador.
Subay niini, nipadayag og pasalamat si Sen. Cayetano sa iyang mga tigsuporta ug naghatag kaniya og “benefit of the doubt” ug sa mga adunay “full faith and confidence” kaniya.
