CEBU – Milusad ug tulo ka adlaw nga operasyon ang buhatan ni Senator Christopher Lawrence “Bong” Go alang sa pagtabang sa mga PWD, Solo Parents ug biktima sa bagyong odette sa 3 ka lungsod sa probinsya sa Sugbo.
Niadtong Disyembre 9-10, 2,367 ka benipisyaryo kinsa mga PWD ug solo parents sa Lungsod sa Asturias ug Balamban ang natabangan ni Go pinaagi sa Office of Senator Bong Go Visayas office.
Susamang programa usab ang gihimo sa buhatan ni Go niadtong Disyembre 12 sa 1,379 ka benipisyaryo sa lungsod sa Aloguinsan. Ang maong mga benipisyaryo biktima sa bagyong odette niadtong Disyembre 16 sa nakalabay nga tuig.
“Mga kaigsuonan ko karong panahon sa krisis magtinabangay lang ta, wala nay laing magtinabangay kita ra gihapong mga Pilipino”, matod pa ni Go pinaagi sa video message
Ang mga staff ni Go nag apod-apod ug facemask, payong, bola nga pang baskbetball ug volleyball ug sama sa naandan, nagparaffle usab si Go ug cellphone ug sapatos ngadto sa mga benipisyaryo.
Samtang, isip Senate Chairman on Committee on Health, nanawagan si Go sa publiko nga pahimuslan ang Malasakit Center.
Ang Malasakit Center gisubhan niadtong 2018 ni Bong Go kaniadtong Special Assistant to the President (SAP) pa siya ni kanhi President Rodrigo Roa Duterte.
Niadtong 2019 nahimong Senador si Go ug iyang gipanday ang balaudonon nga mamahimong balaod ang Malasakit Center ug kini nahimo ng balaod
Karong mga gutloa, kapin 4 million na ka Pilipino ang nakabenepisyo sa Malasakit Center.
Ang Malasakit Center usa ka one stop shop diin anaa na sa sulod sa mga publikong ospital ang DOH, PHILHEALTH, PCSO ug DSWD alang sa pagtabang sa mga “poor and indigent” nga mga pasyente nga buot mangayog medical assistance.
Sa pagkakaron aduna nay 6 ka Malasakit Center sa Sugbo;
- Vicente Sotto Memorial Medical Center sa Fuente Osmeña, Cebu City
- Eversley Childs Sanitarium Hospital sa Jagobiao, Mandaue City
- St. Anthony Mother & Child Hospital sa Basak, Cebu City
- Talisay District Hospital sa Talisay City
- Lapu-Lapu District Hospital sa Lapu-Lapu City
- Cebu Provincial Hospital-Carcar sa Carcar City
Sa katapusang mensahe ni Go, iyang gipasalig nga magpadayon siyag serbisyo sa katawhan sanglit iyaha kining trabaho isip public servant ug mao sab kini iyang gipasalig kaniadto sa katawhan sa wala pa siya mahimong Senador.
