Giawhag ni Atty. Jennifer Arlene Reyes, law professor ug law book author, si Sen. Francis “Chiz” Escudero nga hugtan usab ang iyang pagkupot sa iyang mga kaubang huwes sa nagpadayon nga impeachment trial ni Bise Presidente Sara Duterte.
Sumala sa beteranong abogado, ang presiding officer sa trial kinahanglan nga mas proaktibo, ug gamiton ang gahum sa impeachment court aron masiguro nga sila mosunod sa mga lagda sa korte.
Isip presiding judge, siya miingon nga si Escudero mahimong mogamit sa contempt power, mobadlong sa mga huwes, ug mopatay o momando sa pagpatay sa ilang mga mikropono.
Dugang usab niini nga si Escudero makahimo niining tanan, basi sa mga probisyon sa balaod, aron masiguro nga ang iyang mga kaubang senator-judges mosunod ug dili molapas sa mga lagda o impeachment rules.
Sumala sa beteranong abogado, ang gilapdon sa gahum ug papel sa presiding officer sa usa ka impeachment trial kay lapad sumala sa gitugot sa balaod.
Tungod niini, siya miingon, ang bisan kinsang presiding officer adunay gahum sa pagdisiplina sa ubang mga senator judges ug pagtino kung sila nakalapas ba sa mga lagda sa korte.
Matod niya nga dili kalikayan nga ang ubang mga senador molapas sa ilang mga katungod isip mga maghuhukom, busa si Sen. Chiz mahimong moapil aron mapugngan kini.
