Giklaro ni Attorney Rameses Victorious Gatchalian Villagonzalo, usa ka ICC-Accredited Lawyer, nga sa mata sa International Criminal Court (ICC), makonsidera na nga ‘fugitive’ si Senador Ronald ‘Bato’ dela Rosa, subay na sa pagbasura sa Korte Suprema ang hangyo niini alang sa temporary restraining order (TRO) batok sa pagpatuman sa iyang warrant of arrest sa International Criminal Court (ICC), pamaagi sa botong 9-5-1.
Apan sa mata sa Philippine Law, giingong mas mopabor pa ang presumptions sa nga dili pa fugitive si dela Rosa.
Mao kini ang gikabutyag ni Atty. Villagonzalo atol sa eksklusibong pakighinabi sa Bombo Radyo Cebu kaniya, diin iyang gidugang nga mopabor pa ang presumptions sa nga dili pa fugitive ang maong Senador kay dili lokal nga korte ang nag-isyu niini.
Hinuon giklaro niya nga sa ICC, sa proseso ug sa warrant of arrest, makonsiderar na gayud nga ‘fugitive’ si Sen. dela Rosa.
Samtang, sa panglantaw ni Atty. Villagonzalo, ang mga kampo ni Sen. dela Rosa padayong dili mopatim-aw sa publiko o bisan sa Senado, o sa mubo nga pagkastorya, padayon kining mag tago-tago.
Gumikan usab kay wala man tugti ang TRO, magdepende na kini sa desisyon sa ehekutibo kung ipadayon ba nila ang warrant of arrest, kay ang basihan niini matod pa niya, ang Section 17, Republic Act 9851.
Busa sa iyang panglantaw, posibleng diha mo eksibisyon ehekutibo, bisan pa naay pasalig ang secretary of justice nga Senador Dela Rosa posibleng motambong sa mga sesyon sa Senado, nga dili pa kini dakpon kay wala pay final ruling ang supreme court.
Apan giklaro ni Atty. Villagonzalo nga magdepende ra gayud kini kung nag-ingun ang Department of Justice (DOJ), kay ang DOJ dili man implementing agency sa warrant of arrest, gumikan kay ang Interpol Philippine, kinsa gilangkoban sa Natioanl Bureau of Investigation (NBI) ug Philippine National Police (PNP) kay gagikan man kini sa ICC warrant.
