Magsilbi isip acting chairperson sa Senate blue ribbon committee si Senador Erwin Tulfo human sa pagluwat ni Senador Panfilo “Ping” Lacson sa maong posisyon, matod ni Senate President Vicente “Tito” Sotto III niadtong Miyerkules, Oktubre 8, 2025.
Kini maoy gisaysay ni Sotto atol sa usa sa ambush interview niini nga matod pa nagsubay kini sa succession sa chairmanship samtang wala pay napiling bag-ong magulo sa Blue Ribbon Committee
Matod ni Sotto nga anaa karon sa gawas sa nasod si Erwin, apan mohimo sila og panagtigom sa komitia sa pagbalik sa senador.
Kahinumduman nga ni-resign si Lacson niadtong Lunes, Oktubre 6 isip blue ribbon committee chairman, tungod sa daw kay wala matagbaw ang ubang mga senador sa direksyon sa legislative inquiry sa giingong anomalosong flood control projects.
Sa sayo pa, gipahibalo ni Sotto nga lakip sa mga pilion nga mangulo sa nasangpit nga komitiba mao sila si Senador Joseph Victor “JV” Ejercito, Raffy Tulfo, Pia Cayetano, Francis “Kiko” Pangilinan, ug Risa Hontiveros.
Sila si Raffy Tulfo, Ejercito, ug Pangilinan nagpahayag na sa pagdumili sa pagpangulo sa maong komitiba.
