PROVINCE OF CEBU-Matukod na sa dili madugay ang mas maayong bersyon sa rural health unit sa dakbayan sa Carcar aron mahatagan og pagtagad ang mga kabus nga konstituwente sa habagatang Sugbo.
Gipanguluhan ni Senador Bong Go ug Gobernador Gwen Garcia ang groundbreaking ceremony sa laing SHC sa Barangay Poblacion III. Gitambungan usab ni Carcar City Mayor Patricio Barcenas, first district Congresswoman Rhea Gullas, kanhi presidential assistant for the Visayas Michael Lloyd Dino; ug aktor nga si Philip Salvador, ug uban pang opisyal sa gobyerno ug medikal.
Kini mao ang medium nga bersyon sa usa ka polyclinic ug usa ka gipaayo nga bersyon sa rural health unit. Aduna kini mga mosunod nga pasilidad susama sa laboratory (X-ray ug ultrasound), botika, birthing, outpatient, dental, ug ambulatory surgical unit.
Ang ubang mga serbisyo nga magamit mao ang mga serbisyo sa eyes, ears, nose, ug throat o (EENT); mga sentro sa oncology; physical therapy ug rehabilitation center; ug telemedicine paghatag tabang medika sa mga pasyente nga naggamit sa mobile telecommunication o sa internet.
Ang Department of Health mao ang ahensya sa pagpatuman sa proyekto nga gipundohan sa nasudnong kagamhanan.
Kon mahuman na, i-turn over na kini sa kagamhanan sa dakbayan sa Carcar.
Pinaagi sa bag-ong health facility usa kini katimaan sa welcome development alang sa probinsiya nga ubos sa pamunoan ni Gobernador Garcia, aron mapausbaw ang serbisyong medikal sa mga provincial ug district hospitals nga gidumala sa Kapitolyo sa Sugbo. Ang ubang mga SHC sa Sugbo nahimutang sa Cordova ug Toledo City.
