CEBU CITY-Gisiguro ni Senate Blue Ribbon Committee Chairman Senator Richard ‘Dick’ Gordon nga dili nila pasagdan ang hisgutanan sa paspas nga pagsaka sa presyo sa lana.
Matud pa nga dili magduha-duha ang senado nga gamitun ang ilahang ‘investigative power’ alang niini.
Bisan pa man sa ‘Oil Deregulation Act’, giingung dili mahimu nga basta na lang usab makapasaka ug presyo sa lana ang mga oil company sa nasud.
Gitataw ni Senator Gordon sa ekslusibong pakighinabi sa Bombo Radyo Cebu nga gikinahanglan ang hinay-hinay nga pagsaka sa presyo sa lana kung diin angayan nga temporaryo lang kini ug dili mapahimuslan gumikan kay magsakripisyo niini ang kinabag-an sa mga Filipino.
Hinu-un, gipasabut sa magbabalaud nga dili magdugay ang maong bigtime oil price hike gumikan kay gituhu-an niini nga katapusan niining kasamtang buwan hayan mabalik na sa normal nga operasyon ang duha ka mga oil facility sa Saudi Aramco. (SBR)
