Gisuspenso sa Senate Blue Ribbon Committee ang imbestigasyon sa giingong mga anomaliya sa mga proyekto sa flood control structures.
Matod ni Senador Panfilo “Ping” Lacson, wala nay hearing sunod semana, human daw dili pa andam ang mga dokumento nga ilang gipangayo sa Department of Justice (DOJ) ug sa Manila Regional Trial Court.
Nasayran nga sa Oktubre 8 gikatakda ang panel hearing nga orihinal nga gitakda sa hangyo ni Senador JV Ejercito nga ipatawag si kanhi DPWH Regional Director IV-B Engr. Gerald A. Pacanan.
Dugang pa, adunay dungan nga pagdungog sa budget ug Commission on Appointments (CA) nga magpahinabog panagsumpaki sa schedule sa panel.
Tungod niini, gipahibawo ni Lacson si Senate President Vicente “Tito” Sotto III sa temporaryo nga pagkanselar sa hearing hangtod nga adunay mas haom nga panahon ug kompletong dokumentasyon.
