Human sa kalampusan sa ilang reunion concert series, ang iconic Filipino dance group nga SexBomb Girls opisyal nga nagpahibalo sa unang duha ka international stops alang sa ilang sold-out nga Get, Get Aw! show.
Sa ilang opisyal nga social media pages, ang mga miyembro sa SexBomb nga gipangulohan sa actress-dancer nga si Rochelle Pangilinan nibutyag nga ang grupo magdala sa ilang high-energy performances ngadto sa United Arab Emirates, uban sa back-to-back shows nga gikatakda sa Marso 27 ug 28.
Sumala sa opisyal nga poster sa concert. ang SexBomb Girls unang mopasundayag sa Dubai Exhibition Centre sa Boulevard 2020, Madinat Al Mataar, South Dubai sa Marso 27 (Biyernes).
Samtang sa sunod nga gabii, sa Marso 28, ang grupo molahos sa Abu Dhabi alang sa usa ka pasundayag sa 321 Sports, Hudayriyat Island.
Diin ang mga fans ug netizens dali nga nagpahayag sa ilang kahinam, pagpasalamat, ug walay hunong nga suporta alang sa gimahal nga all-female dance group.
