-- ADVERTISEMENT --
Gikansela sa mga organizer ang music festival sa United Arab Emirates (UAE) tungod sa bahad sa gubat ug kagubot sa rehiyon, hinungdan nga ang maong mga pasundayag sa Abu Dhabi nga gipangulohan sa sikat nga mga US singer nga sila si Christina Aguilera ug Shakira kay dili na madayon.
Nahitabo kini human sa padayong pag-atake sa Iran sa mga barko sa UAE nga nagaagi sa Strait of Hormuz sa milabayng semana.
Agi’g tubag sa maong mga aksyon, bag-o lang usab gipahibalo sa United Arab Emirates nga ilang gisuspende ang tanang trade ug financial dealings sa nasud ngadto sa Iran.
Bisan pa man sa maong mga pagkahagba sa mga kalihokan, gipasalig sa mga organizer nga ilang ibalik o i-refund ang kwarta sa tanang mga tawo nga nakapalit na og tiket.
