Gikumpirma sa United Arab Emirates (UAE) nga ang mga drone nga miatake sa Barakah nuclear power plant niini sa miaging semana naggikan sa Iraq, nga nagpataas sa mga kabalaka sa seguridad sa rehiyon taliwala sa nagpadayon nga tensyon sa Middle East.
Nahitabo ang insidente niadtong Domingo, Mayo 17, sa dihang ang usa ka drone miigo sa usa ka electrical generator duol sa planta sa Abu Dhabi.
Kini hinungdan sa sunog apan walay mga report sa mga kadaot o kontaminasyon sa radiation. Duha pa ka drone ang na-intercept sa mga awtoridad.
Ang Barakah Plant mao lamang ang nuclear facility sa UAE ug naghatag og mga ikaupat nga bahin sa kuryente sa nasud.
Bisan pa man og gipatuman ang ceasefire niadtong Abril 8, ang mga report sa mga pag-atake gikan sa teritoryo sa Iraq sa mga nasud sa Gulf nagpadayon.
Niadtong Marso, ang Barakah nalakip sa usa ka lista sa mga potensyal nga target nga gipatik sa mga mantalaan sa Iran.
