Mipaabot dayon ang United Arab Emirates (UAE) og hinabang sa mga naapektuhan sa magnitude 7.8 nga linog nga miigo sa habagatang baybayon sa Pilipinas, pinaagi sa UAE Aid Agency.
Matud ni Dr. Tareq Ahmed Al Ameri, chairman sa UAE Aid Agency nga ang dinalian nga tubag sa UAE naggikan sa internasyonal nga responsibilidad sa nasud ngadto sa mga komunidad ug mga tawo nga nag-atubang sa natural nga mga katalagman ug krisis. Tumong niini nga maibanan ang pag-antos sa mga naapektuhan sa linog ug makatabang sa sayo nga pagkaayo ug kalig-on sa koordinasyon sa mga internasyonal nga organisasyon ug mga may kalabutan nga lokal nga awtoridad.
Dugang niyang gipasabot nga ang hinabang sa UAE gihatag basi sa usa ka komprehensibo nga pagtimbang-timbang sa mga panginahanglan nga gihimo sa ahensya sa koordinasyon sa mga may kalabutan nga awtoridad sa Pilipinas, nga adunay tumong nga mailhan ang mga prayoridad ug kinauyokan nga mga panginahanglan sa mga naapektuhan.
Ang UAE nagpaabot usab sa ilang kinasingkasing nga pahasubo ug simpatiya sa mga pamilya sa mga biktima, ug sa gobyerno ug katawhan sa Pilipinas, ingon man nga nanghinaut og sila sa dali nga pagkaayo sa tanan nga mga nasamdan.
