SIBONGA,CEBU- Nanumpa na isip Mayor sa lungsod sa Sibonga sa habagatang bahin sa lalawigan sa Sugbo si Vice Mayor Mariano Laude kagahapong adlawa sa Biyernes Septiyembre 27, 2024.
Kini atol sa kalit nga taho sa kamatayon sa ilang Mayor nga si Leonil “Balondong” Bacaltos niadtong adlaw sa Miyerkules Septiyembre 25 tungod kay giatake kini sa kasing-kasing.
Gipahigayon ang oathtaking sulod sa Sibonga Municipal Hall nga gisayran sa gatusan sa mga empleyado sa maong kagamhanang lungsod diin sab ni-asumir pagka bise-mayor si First Councilor Joel Ponce.
Matod pa ni Laude nga giila sa Bacaltos isip takos nga liderato sa ilang lungsod og dili kini niya pakyason ang katungdanan bisan pa sulod lang kini sa 8-ka buwan maghupot sa gi-asumir nga posisyon.
Samtang sa pikas bahin, pipila sa mga opisyales sa gobyerno ang naghatah sa ilang respeto sa nitaliwan nga Mayor kansang haya anaa sa Cosmopolitan Memorial Chapels sa Nivel Hills, ning dakbayan sa Sugbo.
