Gisugdan ni Fr. Samuel Mary Leidel, CSJ ang Pito ka Katapusang mga Pulong ni Hesus sa Krus sa Siete Palabras karong tuiga pinaagi sa usa ka maundanon nga mensahe.
Atol sa unang pulong, kini naka sentro sa “AMAHAN, PASAYLOA SILA KAY WALA SILA MASAYOD SA ILANG GIBUHAT,” diin gilatid ni Fr. Leidel nga ang pasaylo dili usa ka sayon nga butang.
Kini gumikan adunay higayo nga kini nakahatag og lawm nga samad, ug tinuanay nga kasakit.
Apan, gihimug-atan ni Fr. Leidel nga ang Ginoo, wala magpaabot sa higayon nga adunay mangayo kaniya og pasaylo, apan hinoon gisugdan niya kini og pagpasaylo, kini gumikan ang iyahang kasingkasig, iya man sa amahan.
Subay niini, gihikap usab ang kasingkasing sa kadaghanan pamaagi sa gipaambit nga estorya ni Sr. Ma. Corazon Talay, MCST.
Si Sr. Ma. Talay nag-ingun nga ang pagpaminaw ug pag-ampo atubangan sa Dios maoy iyang kusog sa iyang misyon. Ang Ginoo maoy iyang giya ug tuburan sa tanang grasya sa pagtuman niya sa tahas sa apostolado.
Dugang niya nga ang Dios mao ang iyang dalangpanan sa tanang higayon, ug mao kini ang naghatag niya inspirasyon sa pakig-atubang sa mga tawo nga akong mahimamatsa matag-adlaw.
Diin, ang hinapos nga bahin sa iyang mensahe mao nga siya nanghinato nga ang tanan mausab, pamaagi sa pagpaminaw sa tinuoray ug mag-ampo sa kanunay, kay matod pa, maoy makahatag sa atong kasingkasing og tinuod nga kalipay.
Samtang sa ikaduhang pulong, kini naka sentro kabahin sa “KARONG ADLAWA, UBAN KA KANAKO SA PARAISO,” diin gitino ni Fr. Junly Cortes si Jesus anaa sa labihang kasakit, siya nag-antos, siya himatyon. Apan, nagluwas gihapon Siya.
Nagtunol gihapon siya sa iyang mga kamot, ug nagsangyaw gihapon kini, ug mao kini ang gipasabot sa usa ka Simbahan nga Malipayong Nagsangyaw.
Dugang niini, mipaambit usab si Bro. Jayson Vergara sa kung unsa ang kasinatian niya sa kinabuhi nga anaa ang presensya sa Ginoo.
Matod ni Bro. Vergara, sa iyang pagtuyok-tuyok, daghan na siya og mga nakat-unan, una na niini mao nga ang Ginoo mulihok pod kung kita mulihok.
Ikaduha sa iyang mga nakat-onan, ang buhat nga langitnon makasugat gyud ug daghan nga pagsuway. Gani, niabot sa punto nga kaundangon siya, daghan nga nisupak pero kung iyang pamalandongan mas daghan man pod ang na grasyaan.
