METRO CEBU-Musaka sa kapin P0.95 per kilowatt-hour (kWH) ang singil sa konsumong kuryente sa Metro Cebu human miluwat og abiso ang electric distribution company nga Visayan Electric para sa umaabot September ug October billing period.
Alang sa mga konsumidor nga mokonsumo og 200 kWh kada buwan, kini nagpasabot nga dugang P190 sa ilang bayronon kada buwan.
Manukad kini sa singil sa milabay nga buwan sa Agosto sa P12.57 ngato na sa P13.52.
Kini human sa mas taas nga transmission charges gikan sa National Grid Corporation of the Philippines (NGCP) nga gisumban sa pagpadayon sa Ancillary Services-Reserve Market (AS-RM) kinsa maoy nagsiguro sa backup power para sa stable nga suplay sa kuryente sa tanan konsumidor sa maong kompanya.
Naglakip usab kini sa katapusang pag-install sa mga gi-defer nga bayad alang sa pagpalit sa kuryente sa buwan sa Mayo pinaagi sa Wholesale Electricity Spot Market (WESM).
