CEBU CITY – Walay bulok politika ang pagpahigayon karun sa Sinulog Festival 2020.
Kini ang gisiguro ni Jojo Labella, ang executive director sa Sinulog Festival Inc. (SFI).
Matud ni Labella nga walay nalambigit nga mga personalidad sa politika sa maong kalihokan ug bugtong kalampusan sa Sinulog 2020 ang ilahang gilantaw ug gipanghinaut.
Gibutyag niini nga usa ka relihiyoso nga aktibidad ang Sinulog ug dili kini angayan nga sagulan ug pamolitika.
Sigon ni Labella nga kini ang panahon sa pagpangilaba ug paghatag ug pagtahod sa imahe sa Balaang Bata nga si Señor Santo Niño.
Samtang, gihulagway ni Labella nga mas mabulokon ug mas makalingaw ang Sinulog Festival niining tuiga apan ilahang gipaninguha nga sayo lang kini mahuman subay sa kagustohan ni Cebu City Mayor Edgardo Labella.
