Anaa na sa 95% nga andam ang lungsod sa Carmen sa ilahang ipahigayon nga Sinulog karung adlaw nga Dominggo, Enero 22, 2023.
Sa pakighinabi sa Bombo News Team kang Carmen Mayor Carlo Villamor, gipahibalo niini nga mukabat sa 22 ka mga contingents ang musalmot sa maong kalihokan ug mga dagkong premyo ang nagpaabot sa mga mananaug.
Matud pa, mihatag si Cebu Provincial Governor Gwendolyn Garcia ug financial assistance arun nga mas mapalambo, mapa-nindot pa ang Sinulog sa Carmen.
Gawas sa pagpangandam sa venue, gitataw sa mayor nga andam na usab ang ilahang security measures ingon man ang pagpatuman ug truck ban sugod sa alas 12 sa kadlawon sa Enero 22 hangtud sa alas 12 sa kadlawon sa Enero 23.
Gitino ni Mayor Villamor nga kini ang pinaka-dako nga Sinulog nga mahitabo sa lungsod diin mao na kini ang ika-50 nila nga kasaulogan.
