Cebu City- Duna nay 2 ka persons of interest ang SITG Reluya sa ilang imbestigasyon kalabot pag-ambush ni San Fernando, Cebu Mayor Neneth Reluya niadtong nakalabay nga Martes s hapon kung diin namatay ang mister niini Mister nga si ABC President Brgy. Kapitan Ricardo “Nonoy” Reluya.
Matud ni PSupt. Virgilio Bayon-on ang spokesperson ng SITG Reluya nga ang duha ka persons of interest nga wala pa nila hinganli dili pa ma-isip nga mga suspect hangtud nga dili pa mahuman ang imbestigasyon.
Aduna na usab gi-assign sila nga mga miyembro sa SITG nga dunay kaugalingong tahas para mapaspasan ang imbestigasyon subay na usab sa gihatag nila ni PNP Chief Oscar Albayalde nga 2 ka semana para maresolbar kini.
Gisiguro usab ni Bayun-on nga bisan paman nga mubo lang ang oras nga gihatag kanila, dili matud pa mahitabo nga fall guy ang ilang masikop.
Samtang nagdeploy usab ang PRO-7 og Mobile Force Batallion sa San Fernando para sa dugang nga security. Wala pa hinooy timeframe kung hangtud kanus-a kini magbantay sa area.
Nagnagutan usab ang tibook lungsod sa San Fernando sa nahitabo sa ilang mayor ug sa bana niini.
Gipahimutang usab sa usa ka punerarya sa dakbayan sa Sugbo ang patay nga lawas sa mister sa Mayor nga si Kapitan Nonoy Reluya ug giplanohan pa ang petsa kung kanus-a kini dad-on sa San Fernando para sa public viewing.
