Gikumpirmar sa Slovakia ang kaandam niini nga manguna o mag-host sa mga panaghisgot sa kalinaw tali sa Russia ug Ukraine, human sa dul-an 3 ka tuig sa gubat tali sa 2 nasud.
Kini bisan pa sa mga akusasyon batok sa kaalyado sa Russia nga Slovakia.
Gipahibalo ni Putin nga giingon niya nga ang Slovakia nagtanyag nga usa ka plataporma alang sa posible nga panaghisgot sa kalinaw ug giingon nga ang iyang nasud dili supak niini.
Gidayeg usab ni Putin ang neutral position sa Slovakia sa isyu, apan gipasiugda ni Putin ang iyang saad nga makab-ot nila ang tanan nilang mga katuyoan sa Ukraine.
Sumala ni Slovakian Foreign Minister Juraj Blanar, nga ang himoon nga pakigpulong kay kinahanglan ipahigayon kauban ang partisipasyon sa tanan nga nalambigit nga mga partido lakip na ang Russia, ug dili masusama sa milabayng Summit on Peace in Ukraine niadtong Hunyo sa Switzerland diin wala giimbitar ang Russia.
Giisip sa Foreign Minister ang pahayag ni Putin isip usa ka positibo nga senyales aron tapuson ang gubat sa labing dali nga panahon.
Ingon man nga gipaambit usab sa Slovakia sa Ukraine niadtong Oktubre nga kini andam sa pag-host sa maong mga panaghisgot sa kalinaw.
