Cebu City-Muabot sa sobra sa 11-M pesos nga kantidad sa mga mansanas,patatas ug carrots ang nasakmit sa Bureau of Customs sa Cebu Port Authority nga gikan China.
Gipanguluhan mismo ni Customs Commisioner Isidro Lapeña ang pag-abli sa 5 ka container van nga giingong mis-declared. Nasayran nga ang mga mansanas lang ang gideklarar nga sulod sa container van apan aduna diay kini nakatago nga mga patatas ug carrots sa ilawom sa mga mansanas.
Matud ni Wevina Pumatong ang OIC District Collector sa Cebu Port Authority nga gi-hold na kini sa Bureau of Plant Industry tungod kay nakadawat sila og impormasyon gikan sa Manila nga may anomalya ang giingong shipment mao nga ila kini nga gi-ablihan.
Pagamitingan pa matud usab nila kung unsa ang buhaton sa mga nahisgutang prutas og mga utanon.Nasayran usab nga walay taripa ang mga mansanas mao nga napanglantawan nga gitago kini sa ilawom sa mga patatas ug carrots para makalusot ug dili makabayad og tax.
Matud usab ni Lapeña nga magpahigayon siya og subsequent investigation para masuta kung kinsa ang nalambigit ug nanag-iya sa nahisgutang shipment.
