CEBU CITY-Dili mahagbungan og dagom ang kadaghan sa mga deboto nga misalmot ug mi-uban sa Solemn Foot Procession nga gipahigayon human usab sa Fluvial Procession diin ihatud na ang balaang bata sa Basilica Minore Del Sto Niño
Hinoon, kontrolado ang dagan sa prusisyon sa ruta nga gi-agian sa kutay sa katawhan gumikan kay duna’y nag-ali sa kilid sa dalan nga mga criminology, NSTP ug ROTC students nga nagsilbing human barricade aron dili basta-basta maka-insert ang mga muapil sa prusisyon.
Kini aron malikayan ang pagtinukmuray ug ingon man ang grabeng dasok sa tao. Una nga gibana-bana nga mulanat ug 6 ka oras ang naasoy nga prusisyon apan pasado alas 5 sa hapon human gisugdan pagka- ala una nakasulod na ang karo ni Sr. Sto. Niño sa Basilica Minore del Sto. Niño apang ang kutay sa ato ang hilabihan pa ka taas bisan og nagsugod na ang misa.
Bisan paman og walay hulga sa lakat sa panahon, makapaso usab ang kainit sa adlaw, butang nga wala panumbalinga sa mga deboto, agi og pagpadayag sa ilang pagmahal og pagsimba sa balaang bata nga si Senyor Sto. Niño. (with reports from Bombo Jun and Bombo Eric)
