Cebu City– Apil nga napaig ang usa ka special child sa nahitabong sunug sa Sitio Cabangcalan, Brgy Bulacao , dakbayan sa Sugbo ganihang 5:55 sa buntag. Ang namatay ang giila ga si Frederick Sumagang, 11 anyos ug residente sa nahisgutang dapit.
Matud ni Juanie Sumagang, inahan sa biktima nga nakamata nalang siya nga dako na kaayo ang kayo gikan sa ilang kwarto hinungdan mao nga dali niyang gipukaw ang iyang mga anak dayun gawas sa ilang balay. Dugang pa sa maong inahan nga uwahe na niya nabantayan nga wala diay nakakuyug nila si Frederick hinungdan nga iya kining gibalikan apan dako na kaayo ang kayo hinungdan nga gibira nalang siya sa lain pa niyang anak palayo sa nagdilaab nilang balay. Human nga napawong ang kayo, nakit-an nalang ang paig ng lawas ni Frederick duol sa hagdanan sa ilang balay. Dako ang pagtuo ni Juanie nga na trap ang iyang anak atop maong wala kini dayon makagawas.
Samtang gibutyag naman ni SFO2 Noel Opolentisimo, imbestigador sa BFP, nga sa panimalay nilang Juanie Sumagang naggikan ang kayo. Hinuon wa pa matino kung unsa ang hinungdan sa maong sunog. Mukabat naman sa 40 ka mga balay ang totally burned, samtang 3 ang partially burned.
Sa inisyal nga imbestigasyon sa BFP , gibanabanang mukabat sa P350,000 ang natalang danyos sa maong sunog.
Temporaryong ipahiluna ang mga nasunugan sa Bulacao Elementary School.
