Gibalibaran sa Sri Lanka ang pagtugot sa Estados Unidos nga ibutang ang duha sa mga eroplanong panggubat niini sa usa ka civilian airport sa habagatan sa isla niadtong sayong bahin sa Marso, matod pa ni Presidente Anura Kumara Dissanayake niadtong Biyernes, Marso 20.
Gibalibaran sa Sri Lanka ang hangyo aron mapadayon ang neutralidad niini ug masiguro nga ang teritoryo nila kay dili gamiton alang sa bisan unsang katuyoan sa militar nga makatabang o makababag sa bisan hain nga bahin, base sa pamahayag niini sa ilang parlamento.
Ang nasud nga Sri Lanka nga nahimutang sa Indian Ocean kay nalambigit sa mga sangputanan sa gubat sa dihang gitorpedo sa mga pwersa sa US ang usa ka Iranian frigate sa baybayon sa sayong bahin sa Marso.
Namulong ang presidente nga ang Estados Unidos naghimo sa hangyo niadtong Pebrero 26. Ang Iran sab kay naghimo sa susamang hangyo sa samang adlaw alang sa tulo sa mga barkong panggubat niini, nga mibalik gikan sa India human sa usa ka ehersisyo sa kadagatan, aron mohimo og padunggo sa pantalan.
