Nagdeklara ang gobyerno sa Sri Lanka og state of emergency human sa grabeng pagbaha ug pagdahili sa yuta nga gipahinabo sa Bagyong Ditwah nga nakapatay og kapin sa 330 ka tawo, subay sa pag-ila nga usa sa labing makadaot nga bagyo nga miigo sa nasud.
Kapin sa 200 ka tawo ang nawala pa samtang 200,000 ka mga balay ang nadaot, nga nagpugos sa 108,000 ka mga tawo nga mobalhin ngadto sa temporaryo nga mga puy-anan nga gidumala sa estado.
Samtang ang Presidente sa Sri Lanka nga si Anura Kumara Dissanayake nag-ingon nga kini ang labing lisud nga katalagman nga miigo sa nasud sa kasaysayan niini, ug nga ang kadaot nga gibilin niini grabe kaayo nga ang gibanabana nga gasto sa pagtukod pag-usab sa mga nadaot nga lugar makalilisang.
Busa, ang mga pagbakwit gihimo sa daghang mga lugar samtang ang Kelani River kusog nga miawas sa mga pangpang niini, ug adunay usa ka residente gikan sa sentral Sri Lanka miingon nga 15 ka mga balay sa iyang lugar ang natabunan sa dagkong mga bato ug lapok ug wala’y usa sa mga residente ang naluwas.
Subay niini, ang pinakadaghang namatay gitaho sa Kandy ug Badulla, diin daghang mga lugar ang dili pa maadtoan.
Ang gobyerno sa Sri Lanka nanawagan alang sa internasyonal nga tabang ug nanawagan sa mga Sri Lankans sa gawas sa nasud nga modonar og kwarta aron suportahan ang mga apektadong komunidad.
