Ipatuman sa Social Security System (SSS) ang ikaduhang hugna sa Pension Reform Program (PRP), nga maghatag og dugang nga pensyon sa mga retirado ug uban pang mga benepisyaryo sa ahensya.
Ubos sa ikaduhang hugna, ang mga retirement ug disability pensioners makadawat og 10 porsyento nga dugang sa ilang binulan nga pensyon, samtang ang mga death ug survivorship pensioners makadawat og 5 porsyento nga dugang.
Ang programa nagtumong sa pagtabang sa mga pensioners nga makasabay sa pagtaas sa presyo sa mga palaliton ug uban pang mga hagit sa ekonomiya.
Sumala sa PRP, adunay tinuig nga pagtaas sa pensyon matag Septyembre gikan sa 2025 hangtod 2027.
Samtang, ang katapusang hugna sa programa gikatakda nga ipatuman sa Septyembre 2027 alang sa mga pensioners nga narehistro hangtod Agosto 31, 2027.
Ubos niini, ang mga retirement ug disability pensioners makadawat og dugang nga 10 porsyento nga dugang ug ang mga death ug survivorship pensioners makadawat og dugang nga 5 porsyento.
Sa higayon nga hingpit nang mapatuman ang tulo ka tuig nga reporma, ang mga pensyon para sa mga retirement ug disability pensioners gilauman nga motaas og gibana-bana nga 33 porsyento ug 16 porsyento para sa mga death ug survivorship beneficiaries.
