CEBU CITY-Mahog nga dungan magselebrar ug musugat sa pasko unyang tungang gabii ang mga stranded nga pasahero human kini gipahimutang sa Cebu City Sports Center.
Kini ang gibutyag ni Konsehal Dave Tumulak, ang chairman sa Committee on Public Order and Safety. Kini human nga naabtan sa pagkanselar sa biyahe ang libo-an ka mga pasahero nga sagad mamiyahe padung sa Bohol gikan sa Manila.
Gisiguro sa opisyal nga abi-abihon gyud kini sila sanglit wala na mahinayon ang ilang plano nga musugat sa pasko kauban ang pamilya gumikan sa dili makontrol nga kalamidad. Gibisita na usab kini sila ni Cebu City Mayor Edgardo Labella
Gi-awhag usab ni Tumulak ang katawhan nga musayo na gyud sa pagpangompra aron nga mahawan ang kadalanan ug sayon nalang unya alang sa mga responder.
Naka-andam na usab matud pa ang mga heavy equipments ug ingon man emergency hotline nga 166 nga maoy tawagan sa mga tao sa panahon sa emerhensiya.
Naka-andam na usab ang mga foodpacks alang usab sa tabang sa panahon nga hapdos ang igo sa bagyong Ursula.
