PROVINCE OF CEBU-Gilusad sa kagamhanan sa lalawigan sa sugbo ang Sugbo Insurance nga usa sa mga nag-unang programa sa Kapitolyo aron sa pagsiguro nga adunay madawat nga benefit o claims ang mga barangay volunteer workers, kawani sa barangay, mga opisyales sa barangay ug sa mga kalungsuran ug ingon man sa dakbayan.
Lakip usab niini ang mga DepEd teaching ug non-teaching personnel, trained tour guides sa Kawasan Falls ug Alegria ug ang mga Sugbo Kahanas Scholars kung gani adunay mga emerhensiya nga motumaw.
Mao kini ang gibutyag ni Cebu Governor Gwendolyn Garcia atol caravan of services nga gipahigayun sa Isla sa bantayan.
Matud pa ni Garcia nga ang kagamhanan sa lalawigan sa Sugbo ang mo-abaga sa premium insurance coverage sa mga beneficiaries nga diin migahin og P10 million nga Budget gikan sa trust fund sa lalawigan.
Gani, ang mga insurance sa mga beneficiaries nag lakip kini sa death benefits, burial assistance ug hospitalizations.
